காளஹஸ்தி: திருப்பதி மாவட்டம் ஸ்ரீ காளஹஸ்தி சிவன் கோயில் அருகில் உள்ள பரத்வாஜ் தீர்த்தம் ( லோ-பாவி) அருகில் புதிதாக கட்டப்பட்ட "கைலாச சதன் கெஸ்ட் ஹவுஸ்" ஸ்ரீகாளஹஸ்தி சிவன் கோயிலுக்கு சொந்தமான புதிய விடுதி தொடக்க விழாவிற்கு முக்கிய விருந்தினராக ஸ்ரீகாளஹஸ்தி தொகுதி எம்எல்ஏ மதுசூதன் ரெட்டி மற்றும் திருப்பதி எம்.பி. குருமூர்த்தி,  ஸ்ரீகாளஹஸ்தி முன்னாள் எம்எல்ஏ செஞ்சு ரெட்டி ஆகியோர் கலந்து கொண்டனர். மேலும் சிவன் கோயில் அறங்காவலர் குழு தலைவர் அஞ்சூரு. தாரக சீனிவாசுலு மற்றும் உறுப்பினர்கள் ஆகியோர் கலந்து கொண்டு புதிய விடுதியை தொடங்கி வைத்தனர். இந்நிகழ்ச்சியில் கலந்து கொண்ட எம்எல்ஏ மதுசூதன் ரெட்டி பேசுகையில் ஸ்ரீகாளஹஸ்தி சிவன் கோயிலுக்கு தினம் தினம் பக்தர்கள் வருகை அதிகரித்துக் கொண்டிருக்கும் நிலையில் பக்தர்களின் வசதிக்காக பரத்வாஜ் தீர்த்தம் அருகில் புதிதாக  நிர்மாணிக்கப்பட்டுள்ள "கைலா சதன்" இன்று தொடங்கப்பட்டு உள்ளது. இதில் உள்ள அறைகளை தேவஸ்தானத்திற்கு வரும் பக்தர்களின் வசதிக்காக பயன்படுத்தப்படும் என்றார்.மேலும் திருப்பதி எம்பி குருமூர்த்தி உதவியால் பக்த கண்ணப்பர் மலை மீது இருந்து துர்க்கை அம்மன் கோயில் உள்ள  கனகாசலம் மலை வரை ரோப் வே நிர்மானப்பதற்கான நிதி ஒதுக்கப்பட்டுள்ளதாகவும்  அதிவிரைவில் ரோப் வே அமைக்க  பூமி பூஜை நடக்க உள்ளதாக தெரியப்படுத்தினார்.