பெரியகுளம்: பெரியகுளம் அருகே கைலாச பட்டி மலைமேல் கைலாசநாதர் கோயிலில் புரட்டாசிமாதம் பவுர்ணமியை முன்னிட்டு கோயிலில் ஏராளமான பக்தர்கள் கிரிவலம் சென்று சுவாமி தரிசனம் செய்தனர். பக்தர்களுக்கு சகல ஐஸ்வர்யம் வழங்கும் கைலாசநாதர், பெரியநாயகி அம்மனுக்கு சிறப்பு பூஜை நடந்தது. ஏற்பாடுகளை அன்பர் பணி செய்யும் பராமரிப்பு குழு தலைவர் ஜெயபிரதீப், செயலாளர் சிவக்குமார், பொருளாளர் விஜயராணி ஆகியோர் செய்திருந்தனர். வர்த்தக பிரமுகர் பாண்டியராஜன் அன்னதானம் வழங்கினார்.

* பெரியகுளம் தையல்நாயகி உடனுறை வைத்தியநாதர் கோயிலில் பவுர்ணமியை முன்னிட்டு ஏராளமான பக்தர்கள் திருவாசகம் முற்றோதல் பாடினர். சுவாமிக்கு சிறப்பு பூஜைகள் நடந்தது. *பெரியகுளம் செலும்பு 18ம் படி கருப்பணசாமி கோயிலில் பவுர்ணமியை முன்னிட்டு சுயம்பு வெட்டுடையார் காளியம்மன், கருப்பண்ணசாமிக்கு சிறப்பு பூஜைகள் நடந்தது. ஏராளமான பெண் பக்தர்கள் திருவிளக்கு பூஜை நடத்தினர்.