தாடிக்கொம்பு: அகரம் முத்தாலம்மன் திருக்கோயிலில் சாமி சாட்டுதல் நிகழ்ச்சி நடந்துள்ளதால், வருகின்ற திங்கள்கிழமை (17.10.22) கோவில் திருவிழா நடைபெற உள்ளது. தாடிக்கொம்பு அகரம் முத்தாலம்மன் திருக்கோயில் இப்பகுதியில் பிரசித்தி பெற்ற கோயிலாகும். இங்கு ஒவ்வொரு ஆண்டும் முத்தாலம்மன் கோவில் திருவிழா சயனம் கேட்டு, முறைப்படி நடைபெறும். நடப்பு ஆண்டில் சாமி சயனம் கொடுத்த நிலையில், நேற்று சாமி சாட்டுதல் நிகழ்ச்சி நடைபெற்றது.

கண் திறப்பு மண்டபத்தில் சாமி சாட்டப்பட்ட நிலையில், கோவிலில் இருந்து பண்டாரப் பெட்டியும், அம்மன் உற்சவரும் கொழு மண்டபத்திற்கு எழுந்தருளல் நிகழ்ச்சி நடந்தது. இதை தொடர்ந்து17.10.22 அன்று திங்கள் கிழமை காலை 10:30 மணிக்குள் கண் திறப்பு மண்டபத்தில், முத்தாலம்மன் கண் திறப்பு வைபவம், அம்மன் ஆயிரம் பொன் சப்பரத்தில் கொழு மண்டபம் எழுந்தருளல் நிகழ்ச்சி (திருவிழா) நடைபெறும். இரவு வான வேடிக்கையை தொடர்ந்து 18.10.22 செவ்வாய்க்கிழமை மதியம் 1:30 மணி அளவில், அம்மன் பூஞ்சோலை செல்லுதல் நிகழ்ச்சியும் நடைபெறும் என பரம்பரை நிர்வாக அறங்காவலர் சு.ம.மாரிமுத்து தெரிவித்தார்.