பரமக்குடி: பரமக்குடி கோயில்களில் தீபாவளி பண்டிகையையொட்டி பக்தர்கள், பொதுமக்கள் சிறப்பு வழிபாடு செய்தனர்.

பரமக்குடி சுந்தரராஜ பெருமாள் கோயிலில் உழவர் பரம சுவாமி திருப்பதி திருக்கோலத்தில், வண்ண மலர் அலங்காரத்தில் அருள் பாலித்தார். உற்சவர் சுந்தரராஜ பெருமாள் ஏகாந்த சேவையில் சேவை சாதித்தார். தொடர்ந்து காலை தொடங்கி மதியம் வரையும் மற்றும் மாலை முதல் இரவு வரை ஏராளமான பக்தர்கள் சுவாமி தரிசனம் செய்தனர். எமனேஸ்வரம் வரதராஜ பெருமாள் கோயிலில் மூலவர் பெருமாள், திருப்பதி அலங்கார சேவையில் உற்சவர் ஏகாந்த சேவையில் அருள் பாலித்தார். சிறப்பு பூஜைகளுக்கு பின் பக்தர்களுக்கு பிரசாதங்கள் வழங்கப்பட்டன. பரமக்குடி அனுமார் கோதண்ட ராம சுவாமி கோயில், மீனாட்சி சுந்தரேஸ்வரர், முத்தாலம்மன் கோயில் உள்ளிட்ட அனைத்து கோயில்களிலும் பக்தர்கள், பொது மக்கள் புத்தாடை உடுத்தி சிறப்பு வழிபாடு செய்தனர்.