ராமேஸ்வரம்: தீபாவளி யொட்டி ராமேஸ்வரம் ராமநாதசுவாமி கோயிலில் ஏராளமான பக்தர்கள் சுவாமி தரிசனம் செய்தனர். நேற்று தீபாவளி யொட்டி தமிழகத்தில் இருந்து ஏராளமான பக்தர்கள், ராமேஸ்வரம் கோயிலுக்கு வந்தனர். இவர்களுடன் கோவை, திருப்பூரில் ஆலைகளில் பணிபுரியும் தொழிலாளர்கள் பலரும் வந்திருந்தனர். இவர்கள் முதலில் கோயில் அக்னி தீர்த்த கடலில் நீராடி விட்டு, கோயில் வளாகத்தில் உள்ள 22 தீர்த்தங்களை நீண்ட வரிசையில் காத்திருந்து நீராடினார்கள். பின் சுவாமி, பர்வதவர்த்தினி அம்மன் சன்னதியில் நடந்த சிறப்பு பூஜையில் பக்தர்கள் பயபுக்தியுடன் சுவாமி தரிசனம் செய்தனர்.