திருக்கோவிலூர்: திருக்கோவிலூர் வீரட்டானேஸ்வரர் கோவிலில் கந்தசஷ்டி விழா துங்கியது.

திருக்கோவிலூர், கீழையூர், வீரட்டானேஸ்வரர் கோவிலில் நேற்று கந்த சஷ்டி விழா துவங்கியது. மாலை 6:30 மணிக்கு அனுக்ஞை, விக்னேஷ்வர பூஜை, புண்யாகவாசனம், யாகசாலை பூஜை, சத்ருசம்ஹார சுப்பிரமணிய திரிசதி நாமாவளி, ஹோமம், மூல மந்திரம், காயத்ரி மந்திரம், பூர்ணாகுதி, கடம் புறப்பாடாகி மூலவர் வள்ளி தேவசேனா சமேத சுப்பிரமணியர், வீரட்டானேஸ்வரர் மற்றும் சிவானந்தவல்லி உள்ளிட்ட மூலமூர்த்திகளுக்கு மகா அபிஷேகம், அலங்காரம் நடந்தது. தொடர்ந்து வள்ளி தேவசேனா சமேத சுப்பிரமணியருக்கு அலங்காரத்துடன் மகா தீபாராதனை, உற்சவர் புறப்பாடு நடந்தது. இதில் ஏராளமான பக்தர்கள் கலந்து கொண்டனர். விழாவின் முக்கிய நிகழ்வாக ஆறாம் நாள் சூரபத்மனை முருகன் வதம் செய்யும் வைபவம் நடக்கிறது. விழாவிற்கான ஏற்பாடுகளை சமய அறநிலைத்துறை மற்றும் பக்தர்கள் செய்து வருகின்றனர்.