திருப்புல்லாணி: திருப்புல்லாணி தெற்குத்தெருவில் உள்ள புல்லாணி மாரியம்மன் கோயிலில் கடந்த செப்.,12 அன்று கும்பாபிஷேகம் நடந்தது. 48 நாட்கள் பூர்த்தியானதை முன்னிட்டு மண்டல பூஜை விழா நேற்று காலை 8:00 மணி முதல் 11:00 மணி வரை நடந்தது. மூலவர் புல்லாணி மாரியம்மனுக்கு 11 வகையான அபிஷேக ஆராதனைகள் நிறைவேற்றப்பட்டது. கோயில் முன்பு ஹோம வேள்வி வளர்க்கப்பட்டு கோபூஜை, அனுக்கிரக பூர்த்தி பூஜை, பூர்ணாகுதி உள்ளிட்டவைகள் நடந்தது. மூலவர் மலர் அலங்காரத்தில் காணப்பட்டார். அன்னதானம் வழங்கப்பட்டது. ஏற்பாடுகளை கோயில் விழாக்குழுவினர் செய்திருந்தனர்.