ராமேஸ்வரம்: ராமேஸ்வரம் ராமநாதசுவாமி கோயிலில் தங்கத்தேர் புதுப்பிக்கப்பட்டு நேற்று பக்தர்கள் பயன்பாட்டிற்காக அமைச்சர் சேகர் பாபு, தங்க தேரை 3ம் பிரகாரத்தில் இழுத்து, துவக்கி வைத்தார்.

பின் அமைச்சர் கூறியதாவது : 12 ஆண்டுகளுக்குப் பின் தங்கத்தேர் புதுப்பித்து பக்தர்ளுக்காக இன்று வெள்ளோட்டம் காணப்பட்டது. இதே போல் திருத்தணி, சமயபுரத்தில் முடங்கி கிடந்த தங்கம், வெள்ளி தேரை பக்தர்கள் பயன்பாட்டிற்கு கொண்டு வரப்பட்டது. ராமேஸ்வரம் கோயிலில் தங்கம், வெள்ளி காணாமல் போன விவகாரத்தில் ஊழியர்களுக்கு நோட்டீஸ் அனுப்பி விசாரணை நடக்கிறது. இதில் யாராக இருந்தாலும் நடவடிக்கை எடுக்கப்படும் என்றார்.