திருப்புத்தூர்: திருப்புத்தூர் திருத்தளிநாதர் கோயில் யோக பைரவருக்கு சம்பக சஷ்டி விழா நவ.24 ல் துவங்குகிறது. குன்றக்குடி ஐந்து கோயில் தேவஸ்தானத்தைச் சேர்ந்த இக்கோயிலில் பைரவருக்கு சம்பக சஷ்டி விழா ஆறு நாட்கள் நடைபெறும். நவ.24 ல் காலை 9:00 மணிக்கு அஷ்ட பைரவர் யாகம் துவங்குகிறது. காலை 11:30 மணிக்கு பூர்ணாகுதி, காலை 12:00 மணிக்கு அபிஷேகம், மதியம் 1:00 மணிக்கு தீபாராதனை நடைபெறும். மீண்டும் மாலை 4:30 மணிக்கு அஷ்ட பைரவர் யாகம் துவங்கும். 6 நாட்களிலும் தினசரி காலை,மாலை நேரங்களில் யாகம் நடைபெறும். ஏற்பாட்டினை சம்பக சஷ்டி விழா குழுவினர் செய்கின்றனர்.