நத்தம்: நத்தம் கோவில்பட்டி கைலாசநாதர் சமேத செண்பகவல்லி அம்மன் கோவிலில் கார்த்திகை சோமவார 1008 சங்காபிஷேகம் நடந்தது.

மூலவர் கைலாசநாதர் செண்பகவல்லி அம்மனுக்கு பால், பழம், பன்னீர் உள்ளிட்ட 16 வகை வகை அபிஷேக பொருட்களைக் கொண்டு திரவிய அபிஷேகம் நடந்தது. முன்னதாக காலை கோவில் வளாகத்தில் 108 சங்குகளில் தாமரையில் சிவன் இருப்பது போல் அலங்கரிக்கப்பட்டு பூஜைகள் நடந்தது.பின் மாலை 1008 சங்குகள் மற்றும் மலர்களை கொண்டு சிவலிங்கம் அலங்கரிக்கப்பட்டது. அதன் முன் யாக பூஜை செய்து சங்காபிஷேகம் நடந்தது. பின் சிறப்பு பூஜைகள் அபிஷேக ஆராதனைகள் மற்றும் தீபாராதனை நடந்தது. இதில் கோபால்பட்டி, சாணார்பட்டி, செந்துறை, மணக்காட்டூர், நத்தம் உள்ளிட்ட பகுதிகளில் இருந்து ஏராளமான பக்தர்கள் கலந்து கொண்டு சாமி தரிசனம் செய்தனர். அன்னதானம் வழங்கப்பட்டது.