சென்னை: வடபழநி ஆண்டவர் கோயிலில் கார்த்திகை தீபத் திருநாளான இன்று கோயில் கோபுரங்களில் தீபம் ஏற்றப்பட்டு வழிபாடு செய்யப்பட்டது. கோவில் கோபுரங்களுக்கு தீபம் கொண்டு செல்வதற்கு முன்பாக கோயில் கொடிமரம் முன்பாக அனைத்து அகல்விளக்கு தீபங்களுக்கும் சிறப்பு பூஜை செய்யப்பட்டது.

வடபழநி ஆண்டர் கோவிலில் கார்த்திகை தீப விழா வெகு விமரிசையாக கொண்டாடப்பட்டு வருகிறது. இந்தாண்டு 8001 மின் விளக்குகள்,1144 எண்ணெய் விளக்குகளால் கோவில் வளாகம் பிரகாசிக்கிறது. இந்த நிலையில் மூலவர் சன்னிதி சுற்று பிரகாரத்தில் 108 குத்து விளக்குகளும், மூலவர் சன்னிதி உட்பிரகாரத்தில் 36 குத்து விளக்குகளும் ஏற்றப்பட்டன. இதனால், வளாகம் முழுதும் தீப ஒளியாகவும், உள்ளமெங்கும் உற்சாகம் கரைபுரண்டோடியது. விழாவிற்கான ஏற்பாடுகளை தக்கார் எல். ஆதிமூலம் செய்திருந்தார்.