காளஹஸ்தி: திருப்பதி மாவட்டம் ஸ்ரீகாளஹஸ்தி அடுத்துள்ள சுருட்டு பள்ளியில் வீற்றிருக்கும் ஸ்ரீபள்ளி கொண்டீஸ்வரர் சுவாமி கோயிலில் இன்று இரண்டாம் ஆண்டு ஏக தின வில்வ லட்சார்ச்சனை சிறப்பு பூஜைகள் நடைபெற்றது .இன்று திங்கட்கிழமை காலை ஆறு மணிக்கு விக்னேஸ்வர பூஜையை தொடர்ந்து ஏழு மணி முதல் லட்ச வில்வார்ச்சனை பகல் 2 மணி வரை நடைபெற்றது .மீண்டும் மாலை 3 மணி முதல் 5 வரை நடைபெற்றது. இதனைத் தொடர்ந்து ஐந்து முப்பது மணிக்கு கோயில் அர்ச்சகர்கள் மகாதீபாரதனையை நடத்தினார். இதனைத் தொடர்ந்து மாலை உற்சவம் மூர்த்தி பிரகார உற்சவம் (கோயிலுக்குள் உற்சவ மூர்த்தி ஊர்வலம் )மாலை 6 மணி முதல் நடைபெற்றது. இந்த லட்ச வில்வார்ச்சனை பூஜையில் கலந்து கொண்ட பக்தர்கள் ரூ.316 செலுத்தி பூஜையில் ஈடுபட்டனர் .இந்த லட்ச வில்வார்ச்சனை பூஜையில் ஏராளமான பக்தர்கள் கலந்து கொண்டதோடு கோயில் அதிகாரிகள் மற்றும் ஊழியர்களும் கலந்து கொண்டு பூஜையில் ஈடுபட்டனர் என்பது குறிப்பிடத்தக்கது.