திருக்கோவிலூர்: திருக்கோவிலூர், தபோவனம், சத்குரு ஸ்ரீ ஞானானந்தகிரி சுவாமிகளின் 49 வது ஆராதனை விழாவில் ஸ்ரீ நவசண்டி ஹோமம் நடந்தது.

திருக்கோவிலூர் அடுத்த தபோவனத்தில் சஹஜ சமாதியில் அருள்பாலித்து வரும் ஞானசித்தர் சத்குரு ஸ்ரீ ஞானானந்தகிரி சுவாமிகள். இவரது 49 வது ஆண்டு ஆராதனை விழா கடந்த 25ம் தேதி கணபதி ஹோமம், பாத பூஜையுடன் துவங்கியது. விழாவின் முக்கிய நிகழ்ச்சியாக இன்று காலை 6:00 மணிக்கு ஸ்ரீ மகாருத்ர ஜெபம், ஸ்ரீ மகாருத்ரா ஹோமம், மணிமண்டபம் சத்குரு நாதர் சன்னதியில் மகாதீபாராதனை, பூர்ணாகுதி, கலசம் புறப்பாடாகி அதிர்ஷ்டத்தில் மகா அபிஷேகம், அலங்காரம், தீபாராதனை நடந்தது. மதியம் 1:00 மணிக்கு ஸ்ரீ நவசண்டி ஹோமம், பூர்ணாகுதி நடந்தது. இதில் ஏராளமான பக்தர்கள் கலந்து கொண்டனர். விழாவின் முக்கிய நிகழ்ச்சியாக ஆராதனை தினமான வரும் 8ம் தேதி காலை 5:30 மணிக்கு விசேஷ பாத பூஜை, லட்சாக்சனை பூர்த்தி, விசேஷ அதிஷ்டான பூஜைகள், மதியம் 1:30 மணிக்கு தீர்த்த நாராயண பூஜை, நாம சங்கீர்த்தனம் நடக்கிறது. விழாவிற்கான ஏற்பாடுகளை ஸ்ரீ ஞானானந்த தபோவன டிரஸ்ட் நிர்வாகிகள் செய்து வருகின்றனர்.