குன்னூர்: குன்னூர் புனித செபஸ்தியார் தேவாலயத்திற்கு மானந்தவாடி மறைமாவட்டத்தில் இருந்து மரியன்னை திருவுருவம் எடுத்து வரப்பட்டது.

கேரள மாநிலம், மானந்தவாடி மறைமாவட்டம் துவங்கி, 50 ஆண்டுகள் நிறைவு பெற்றதை தொடர்ந்து, ஆயர் தலைமையில் தூய மரியன்னை திருவுருவம் கேரளம், தமிழகத்தில் உள்ள பல்வேறு தேவாலயங்களுக்கு மக்களின் வழிபாடுகளுக்காககொண்டு செல்லப்பட்டு வருகிறது. இந்நிலையில், நீலகிரிக்கு தூய மரியன்னை யின் திருவுருவம் கொண்டுவரப்பட்டு, ஊட்டி புனித சூசையப்பர் தேவாலயத்தில் இருந்து குன்னூர் செபஸ்தியார் ஆலயத்திற்கு கொண்டு வரப்பட்டது. ஆலய பங்குதந்தை மார்டின் வரவேற்றார். ஏராளமான பங்கு மக்கள் பங்கேற்று வழிபட்டனர். தொடர்ந்து கூடலூர் கொண்டு செல்லப்பட்டது. பல்வேறு ஆலயங்களுக்கு கொண்டு செல்லப்பட்டு, மே மாதம் 12ம் தேதி மானந்தவாடியில் நடக்கும் பொன்விழாவில் சிறப்பிக்கப்படுகிறது.