பண்ருட்டி: பண்ருட்டி அடுத்த திருவதிகைசர நாராயணபெருமாள் கோவிலில் நேற்று தை மாத அமாவாசை முன்னிட்டு மூலவர் பெருமாள் பழப்பந்தலில் வே ணுகோபாலன் அலங்காரத்தில்
பக்தர்களுக்கு அருள்பாலித்தார். விழாவையொட்டி, காலை 6:30 மணிக்கு விஸ்வரூப தரிசனம், 7:30 மணிக்கு நித்யபடி பூஜை , 9:00 மணிக்கு உற்சவர் பெருமாள் ஸ்ரீதேவி, பூமிதேவி சகிதமாக உள்புறப்பாடு நடந்து, திருக்கண்ணாடி அறையில் சிறப்பு அலங்காரத்தில் பக்தர்களுக்கு அருள்பாலித்தார். பகல் 12:30 மணிக்கு உச்சிகால பூஜை , மாலை 4:00 மணிக்கு நடைதிறப்பு, 6:00 மணிக்கு நித்யபடி பூஜை , இரவு 9:00 மணிக்கு ஏகாந்த சேவை நடந்தது.