சிவகாசி : சிவகாசி இந்து நாடார் மகமை பண்டுக்கு சொந்தமான பத்திரகாளியம்மன் கோவில் மகா கும்பாபிஷேக விழா நாளை (புதன்கிழமை) காலை 9 மணிக்கு நடக்கிறது. கும்பாபிஷேகத்தை முன்னிட்டு நேற்று காலை 5 மணிக்கு விக்னேஷ்வர பூஜை, தன பூஜை, ஸ்ரீமகா கணபதி ஹோமம், நவகிரக ஹோமம், ஸ்ரீமகா லட்சுமி ஹோமம், பிரம்மசாரி பூஜை ஆகியவை நடைபெற்றது. இதேபோல் இன்று காலை 8 மணிக்கு விக்னேஷ்வரபூஜை, புண்யாகவாசனம், விசேஷ நந்தி பூஜை ஆகியவை நடைபெற்றது. மாலை 5 மணிக்கு மேல் யாகசாலை பூஜைகள் நடைபெறுகிறது. நாளை காலை 9.15 மணிக்கு மேல் 10.00 மணிக்குள் கோயில் ராஜ கோபுரம் மற்றும் பரிவார தெய்வங்களுக்கு மகா கும்பாபிஷேகம் நடக்கிறது. கும்பாபிஷேகத்தை சர்வசாதகம் சங்கர் கணேஷ் பட்டர் மற்றும் சர்வசாதகம் செல்வம் பட்டர் செய்கின்றனர். கும்பாபிஷேக ஏற்பாடுகளை கோவில் நிர்வாகிகள் செய்து வருகின்றனர்.