குள்ளஞ்சாவடி: கோ.சத்திரம், ஸ்ரீ பாலமுருகன் ஆலய மகா கும்பாபிஷேகம் நடந்தது

குள்ளஞ்சாவடி அடுத்த, கோ.சத்திரம், பழையூர் கிராமம், அருள்மிகு ஸ்ரீ பாலமுருகன் ஆலய மகா கும்பாபிஷேகம், நேற்று காலை நடந்தது. முன்னதாக நேற்று முன்தினம் மாலை, முதல் கால யாகசாலை பூஜை, மகா பூர்ணாஹூதி, மகா தீபாராதனையும், நேற்று காலை, இரண்டாம் கால யாகசாலை பூஜை, 10 மணிக்கு கோபுர கலச கும்பாபிஷேகமும், 10:15 மணிக்கு மூலவர் ஸ்ரீ பாலமுருகனுக்கு மகா கும்பாபிஷேகமும் நடைபெற்றது. குறிஞ்சிப்பாடி, குகஸ்ரீ சச்சிதானந்தம் ஐயர் சுவாமிகள் புனித நீர் ஊற்றி கும்பாபிஷேகம் செய்து வைத்தார். நிகழ்வில் கோ.சத்திரம் சுற்றுப்பகுதி கிராமங்களில் இருந்து ஏராளமான பக்தர்கள் கலந்து கொண்டு சுவாமி தரிசனம் செய்தனர். இன்று மண்டல அபிஷேக பூஜைகள் தொடங்குகின்றன.