குன்னூர்: குன்னூர் தந்தி மாரியம்மன் கோவில் கும்பாபிஷேகம் துவங்கியது. குன்னூர் தந்தி மாரியம்மன் கோவிலில், நாளை (3ம் தேதி) மகா கணபதி பூஜை, ஹோமங்களுடன் விழா துவங்கியது. நேற்று மாலை, கன்னிமாரியம்மன் கோவிலில் இருந்து முளைப்பாலிகை, தீர்த்த குடம், மேள தாளம் முழங்க ஊர்வலமாக யாகசாலைக்கு வந்தடைந்தது. 6:00 மணிக்கு முதல் கால யாக வேள்வி, புண்யாகவாசனம், ரக்ஷாபந்தனம், வேதிகார்ச்சனை, மகா பூர்ணாகுதி உள்ளிட்ட பல்வேறு வழிபாடுகள் நடந்தன.

இன்று (4ம் தேதி) காலை 8:00 மணிக்கு குன்னூர் வி.பி., தெரு சந்தான வேணுகோபால் சுவாமி கோவிலில் இருந்து புறப்படும் ஊர்வலம் யாகசாலையை அடைந்து இரண்டாம் யாக வேள்வி பூஜைகள் நடக்கின்றன. மாலை 5:00 மணிக்கு மூன்றாம் கால வேள்வி, இரவு 7:30 மணிக்கு யந்திர ஸ்தாபனம், கோபுர கலசம் வைத்தல், அஷ்டபந்தன மருந்து சார்த்துதல் நடக்கின்றன. நாளை (5ம் தேதி) காலை 6:00 மணிக்கு 4ம் கால வேள்வி, 9:20 மணியில் இருந்து 10:20 மணிக்குள், யாத்ரா தான சங்கல்பம், விமானம் மற்றும் கொடிமரம், தந்தி மாரியம்மனுக்கு மகா கும்பாபிஷேம் நடக்கின்றன. விழாவிற்கான ஏற்பாடுகளை இந்து அறநிலைய துறையினர், கோவில் சேவா சங்கத்தினர், ஆன்மிக அமைப்பினர், பக்தர்கள் செய்துள்ளனர்.