அனுப்பர்பாளையம்: திருப்பூர், காலேஜ் ரோடு கொங்கணகிரியில் புகழ் பெற்ற அருள்மிகு ஸ்ரீ வள்ளி தேவசேனா சமேத ஸ்ரீ கந்த பெருமான் திருக்கோவில் உள்ளது. கோவிலில், தைப்பூச தேரோட்டம் நேற்று மாலை நடைபெற்றது. விழாவையொட்டி, முன்னதாக மாலை 3:30 மணிக்கு கந்த பெருமானுக்கு மஹா அபிஷேகம், தொடர்ந்து, 4:00 மணிக்கு தீபாராதனை, உள்ளிட்டவை நடைபெற்றது. 4:15 மணிக்கு திருத்தேர் வடம் பிடித்தல், நிகழ்ச்சி நடந்தது. தேரை திருப்பூர் மாநகர போலீஸ் கமிஷனர் பிரவீன் அபினவ், வடம் பிடித்து இழுத்து தொடங்கி வைத்தார். தேர் கோவில் கிரிவல பாதையில் சுற்றி வந்தது. இதில் ஆயிரக்கணக்கான பக்தர்கள் கலந்து கொண்டு அரோகரா கோஷத்துடன் தேரை இழுத்து சென்றனர். தேருக்கு முன் சலங்கையாட்ட குழுவினர் ஆடி சென்றனர். 5:30 மணிக்கு வான வேடிக்கையுடன் தேர் தேர் நிலையை அடைந்தது. கலந்து கொண்ட பக்தர்கள் அனைவருக்கும் பிரசாதம் மற்றும் அன்னதானம் வழங்கப்பட்டது. முன்னதாக, கோவிலில் கடந்த 2 ந் தேதி இரவு வாஸ்து சாந்தி பூஜையும், 3 ந் தேதி கோமாதா பூஜையும் நடைபெற்றது. விழா ஏற்பாடுகளை, கோவில் செயல் அலுவலர் பவானி, தக்கார் பெரிய மருதுபாண்டியன், திருப்பூர் மக்கள் நல அறக்கட்டளை தலைவர் கந்தசாமி மற்றும் நிர்வாகிகள் செய்து இருந்தனர்.