ஊத்துக்கோட்டை: ஊத்துக்கோட்டை அடுத்த, சுருட்டப்பள்ளியில் உள்ள சர்வமங்களா சமேத பள்ளிகொண்டீஸ்வரர் கோவிலில் கடந்த 10ம் தேதி சிவராத்திரி விழாவை ஒட்டி கிராம தேவதை, கணபதி ஆகியோருக்கு சிறப்பு பூஜை நடந்தது.

இதைத் தொடர்ந்து காப்பு கட்டுதல் நிகழ்ச்சியும், ஒவ்வொரு நாள், காலை 5:00 மணிக்கு யாகசாலை பூஜை, மாலை 4:00 மணிக்கு சுவாமி, அம்மனுக்கு சிறப்பு அபிஷேகம், இரவு 7:00 மணிக்கு முதல் நாளில் இருந்து, மூஷிக, பல்லக்கு, சந்திரபிரபை, காமதேனு, பூத, அதிகாரநந்தி, நேற்று, கஜ வாகனங்களில் வீதியுலா வந்து பக்தர்களுக்கு அருள்பாலித்தார். இன்று, அஸ்வ வாகனத்தில் பக்தர்களுக்கு அருள்பாலிக்கிறார். கோலாட்டம், பஜனை நிகழ்ச்சிகளும் நடைபெற்று வருகிறது. கோவில் அறங்காவல் குழு தலைவர் முனிசந்திரசேகர்ரெட்டி தலைமையில் விழாக் குழுவினர் செய்து வருகின்றனர்.