அழகியமண்டபம்: சங்கரன்காவு சுடலை மாடசுவாமி கோவில் கொடை விழா இன்று (மார்ச் 2) துவங்கி மூன்று நாட்கள் நடக்கிறது. முதல் நாள் கணபதி ஹோமம், சமயவகுப்பு மாணவ, மாணவிகளின் பண்பாட்டு போட்டிகள் மாலை 6மணிக்கு திருவிளக்கு பூஜை , தீபாரதனை நடக்கிறது. விழா நாட்களில் தினமும் அன்னதானம் நடக்கிறது. 2ம் நாள் குடியழைப்பு, மகுட ஆட்டம், திருவிதாங்கோடு ஸ்ரீ மகாதேவர் சன்னதியில் இருந்து களபம் கொண்டுவருதல், காலை 11 மணிக்கு பொங்காலை போடுதல், மதியம் 12 மணிக்கு சுவாமிக்கு களம் சார்த்தி
தீபராதனை, மாலை 5 மணிக்கு கேரளபுரம் மகாதேவர் சன்னதியில் இருந்து பூநீர் கொண்டு வருதல், இரவு 7 மணிக்கு பூ அலங்காரம், 10 மணிக்கு அங்கார தீபாராதனை, 12 மணிக்கு ஒடுக்கு பூஜை நடக்கிறது. 3ம் நாள் மகுட ஆட்டம், மதியம் 12 மணிக்கு உச்சகால கொடை , சுவாமி ஊர் பவனி வருதல், மாலை 6 மணிக்கு சுவாமி மஞ்சள் நீர் விளையாட்டு மற்றும் பல நிகழ்ச்சிகள் நடக்கிறது. விழா ஏற்பாடுகளை விழா குழுவினர் செய்து வருகின்றனர்.