ரெகுநாதபுரம்: ரெகுநாதபுரம் அருகே சாத்தான்குளத்தில் குக ஸ்ரீபாலகணபதி சுவாமிகளின் 22 ஆம் ஆண்டு குருபூஜை விழா நடந்தது. நேற்று காலை 8:00 முதல் 10:00 மணி வரை கணபதி ஹோமம், தேவாரம், திருப்புகழ், சண்முக கவசம், பஞ்சாமிர்த வண்ணம் உள்ளிட்ட முருகன் பாடல்கள் பாராயணம் நடந்தது. காலை 11:30 மணி அளவில் கலசபிஷேகமும் குருபூஜை விழாவும், மகா தீபாராதனையும் நடந்தது. பக்தர்களுக்கு அன்னதானம் வழங்கப்பட்டது. மூலவருக்கு சிறப்பு அபிஷேக ஆராதனைகளும் பல்வேறு வகையான மலர் அலங்காரமும் செய்யப்பட்டிருந்தது. உருவப்படம் வைக்கப்பட்ட சப்பரத்தில் வீதி உலா நடந்தது. மாலை 5:00 மணியளவில் விளக்கு பூஜையில் ஏராளமான பெண்கள் பங்கேற்றனர். ஏற்பாடுகளை குகஸ்ரீ பாலகணபதி சுவாமிகள் அறக்கட்டளை நிர்வாகத்தினர் செய்திருந்தனர்.