கோபி: ஈரோடு மாவட்டம் சத்தியமங்கலத்தில் உள்ள பிரசித்தி பெற்ற, பண்ணாரி மாரியம்மன் கோவில், பங்குனி குண்டம் தேர்த்திருவிழாவு முன்னேற்பாடு குறித்த ஒருங்கிணைப்பு குழு கூட்டம், கோபி ஆர்.டி.ஓ., திவ்ய பிரியதர்ஷினி தலைமையில், நேற்று நடந்தது. சத்தியமங்கலம் ஏ.எஸ்.பி., அய்மன் ஜமால் முன்னிலை வகித்தார். அறநிலையத்துறை துணை கமிஷனர் மேனகா, தாசில்தார் சங்கர்கணேஷ் உடனிருந்தனர்.

ஏ.எஸ்.பி., அய்மன் ஜமால்: தண்ணீர், பால், காய்கறி வாகனங்கள் அனுமதிக்கப்படும். அறநிலையத்துறை, வருவாய்த்துறையில் பணியில் ஈடுபடுவோரின் பட்டியல் வழங்க வேண்டும். ஆர்.டி.ஓ., திவ்ய பிரியதர்ஷினி: குளோரின் கலந்த சுகாதார குடிநீர் வசதி செய்ய வேண்டும். எந்தவிதமான பிரச்னையுமின்றி, சுமூகமாக விழா நடக்க அனைத்து துறையினரும் ஒத்துழைக்க வேண்டும். இவ்வாறு விவாதம் நடந்தது.