பழநி: பழநி, மலைக்கோயில் கும்பாபிஷேகத்தை, தொடர்ந்து 48 நாள் மண்டல பூஜை நாளை நிறைவு பெற உள்ளது.

பழநி மலைக்கோயில் ஜன., 27ல் கும்பாபிஷேகம் சிறப்பாக நடைபெற்றது. இதனைத் தொடர்ந்து தினமும் பல மாவட்டம், மாநிலங்களில் இருந்து பக்தர்கள் ஆயிரக்கணக்கானோர் சுவாமி தரிசனம் செய்து வருகின்றனர். கும்பாபிஷேகத்தை முன்னிட்டு 48 நாள் மண்டல பூஜை நடைபெற்று வருகிறது. இந்நிலையில் இன்று (மார்ச்.15) மாலை 6:30 மணிக்கு மேல் கோயில் யாக சாலையில் விநாயகர் பூஜை, புண்ணியாக வாசனம், பஞ்சகவ்யம், கலச பூஜை, சங்கு பூஜை, பாராயணம், சிறப்பு தீபாராதனை நடைபெற உள்ளது. நாளை (மார்ச்.16) காலை 8:30 மணிக்கு, இரண்டாவது கால பூஜை துவங்கும். அதில் பாராயணம் நடைபெறும். காலை 11:00 மணிக்கு பூர்ணாஹூதி, நடைபெறும். உச்சிகாலத்தில் சங்காபிஷேகம் கலசபிஷேகம் சிறப்பு தீபாதாரணை அருட்பிரசாதம் வழங்குதல் ஆகியவை நடைபெற உள்ளது. என கோயில் நிர்வாகம் தெரிவித்துள்ளது.