இளையான்குடி: தாயமங்கலம் முத்துமாரியம்மன் கோயிலில் நடந்து வரும் திருப்பணிகளை அறநிலையத்துறை இணை கமிஷனர் தனபால் ஆய்வு செய்தார். இந்து சமய அறநிலையத்துறை, சிவகங்கை மண்டல இணை கமிஷனராக புதிதாக பொறுப்பேற்றுள்ள தனபால், நேற்று தாயமங்கலம் முத்துமாரியம்மன் கோயிலில் நடந்து வரும் திருப்பணிகளை ஆய்வு செய்தார். பரம்பரை டிரஸ்டி வெங்கடேசன் செட்டியார் வரவேற்றார்.
ஆக்கிரமிப்பில் உள்ள கோயில் நிலங்களை மீட்பது, கோயில் வளாகத்தில் உள்ள தற்காலிக கடைகளை வரைமுறை படுத்தி, ஒவ்வொரு ஆண்டுக்கும் டெண்டர் விடுவது, விரைவில் கும்பாபிஷேகம் நடத்துவதற்கு, தேவையான திருப்பணிகளை விரைந்து முடிப்பது குறித்து டிரஸ்டி வெங்கடேசன் செட்டியார், அறநிலையத்துறை சிவகங்கை மண்டல உதவி கோட்டப் பொறியாளர் சுப்பிரமணியனுடன் ஆலோசனை செய்தார். உதவி பொறியாளர் குணசேகரன், அறநிலையத்துறை பரமக்குடி சரக இன்ஸ்பெக்டர் சிவாஜி உடன் இருந்தனர்.