வால்பாறை: வால்பாறை அடுத்துள்ளது கருமலை எஸ்டேட். இங்குள்ள வேளாங்கண்ணி மாதா ஆலயத்தேர்த்திருவிழா கடந்த வாரம் கொடியேற்றத்துடன் துவங்கியது. திருக்கொடியை கோவை புனித சூசையப்பர் குருமட அதிபர் அமல்ராஜ் திருக்கொடி ஏற்றினார். அதன் பின்னர் கூட்டுத்திருப்பலியும், சிறப்பு நவநாளும் நடைபெற்றது. தொடர்ந்து நடைபெற்ற விழாவில் கடந்த 15ம் தேதி கோவை கத்தோலிக்க ஆயர் தாமஸ் அங்குவினாஸ் தலைமையில் திருப்பியும், அதன் பின்னர் தேர்பவனியும் நடந்தது.இதில் ஆயிரக்கணக்கான கிறிஸ்துவர்கள் கலந்து கொண்டனர். விழாவையொட்டி மாதாஆலயம் மின்விளக்குகளால் அலங்கரிக்கபட்டிருந்தது. விழாவிற்கான ஏற்பாடுகளை ஆலய பங்குதந்தை ஜெரோம், உதவி பங்குதந்தை ஆரோக்கியதேயுஸ் மற்றும் பங்குமக்கள் செய்திருந்தனர்.