பரமக்குடி: பரமக்குடி சுந்தரராஜ பெருமாள் தேவஸ்தானம் ஈஸ்வரன் கோயிலில் சித்திரை திருவிழா ஏப்., 24 துவங்கி, கொடியேற்றத்துடன் நடந்து வருகிறது. நேற்று மாலை 6:00 மணிக்கு சந்திரசேகர சுவாமி பிரியாவிடையுடன் ரிஷப வாகனத்தில் அருள் பாலித்தார். விசாலாட்சி அம்மன் சிவ பூஜைக்கு தீர்த்தம் எடுத்த திருக்கோலத்தில் குடம் ஏந்திய நிலையில் அலங்கரிக்கப்பட்டிருந்தார். தொடர்ந்து மே 1 காலை விசாலாட்சி அம்மன் கமல வாகனத்தில் தபசு திருக்கோலத்தில் அருள் பாலிக்க உள்ளார்.