அவிநாசி: அவிநாசி காந்திபுரத்தில் எழுந்தருளியுள்ள ஸ்ரீ காமாட்சி அம்மன் கோவில் பூச்சாட்டு விழாவில்,அலகு குத்தும் விழா நடைபெற்றது.

அவிநாசி காந்திபுரத்தில் ஸ்ரீ காமாட்சி அம்மன் கோவிலில் பூச்சாட்டு விழா கடந்த 25ம் தேதி காப்பு கட்டுடன் தொடங்கியது. அதனைத் தொடர்ந்து,நூற்றுக்கும் மேற்பட்ட பெண்கள் கலந்து கொண்ட திருவிளக்கு பூஜை, அம்மன் அழைத்தல் ஆகிய நிகழ்ச்சிகள் நடைபெற்றது. பூச்சாட்டு விழாவில்,முக்கிய நிகழ்ச்சியான அழகு குத்தும் விழா,நேற்று பத்துக்கும் மேற்பட்ட தேவேந்திர குல வேளாளர்கள் சமூக வீர மக்கள் அலகு குத்தி சாமி ரதத்தை ஊர்வலமாக இழுத்து வந்தனர். இன்று,மஞ்சள் நீராட்டு விழாவுடன் பூச்சாட்டு விழா நிறைவு பெறுகின்றது. முன்னதாக,நேற்று காலை நூற்றுக்கும் மேற்பட்ட குழந்தைகள்,பெண்கள் ஆகியோர் காமாட்சி அம்மன் கோவிலில் இருந்து மாவிளக்கு எடுத்து ஊர்வலமாக நான்கு ரத வீதிகளிலும் வந்தனர். பூச்சாட்டு விழாவை முன்னிட்டு தேவேந்திரகுல வேளாளர் சமூகத்தினர் சார்பில் பக்தர்களுக்கு அன்னதானம் வழங்கப்பட்டது.