செஞ்சி: மேலச்சேரி மாங்கல்ய துர்கை அம்மன் கோவிலில் திருக்கல்யாண உற்சவம் நடந்தது. செஞ்சியை அடுத்த மேலச்சேரி சாவடி மாங்கல்ய துர்கை கோவிலில் சித்ரா பவுர்ணமியை முன்னிட்டு திருக்கல்யாண வைபவம் நடந்தது. இதை முன்னிட்டு அதிகாலை 4.30 மணிக்கு கணபதி யாகம், 6 மணிக்கு காப்பு கட்டுதல், 7 மணிக்கு சிறப்பு அபிஷேகம், 8.30 மணிக்கு ஊரணி பொங்கல் வழிபாடு, 2 மணிக்கு பால் அபிஷேகம், 3 மணிக்கு படி பூஜை, 4 மணிக்கு கோபிநாத சித்தர் தலைமையில் திருமண வைபோகம் நடந்தது. இதில் துர்கைக்கும் சிவசங்கரனுக்கு திருக்கல்யாணம் நடந்தது. இதில் திரளான பக்தர்கள் கலந்து கொண்டனர். பக்தர்களுக்கு அன்னதானம் வழங்கினர்.