சிவகங்கை : காளையார்கோவில் சொர்ண காளீஸ்வரர் கோயிலில் வைகாசி விசாக விழா கொடியேற்றத்துடன் துவங்கியது.

காளையார்கோவில் சோமேஸ்வரர்சவுந்தரநாயகி அம்மன் கோவில் வைகாசி விசாக விழா கொடியேற்றத்துடன் துவங்கியது. அனுக்ஞை, விக்னேஸ்வரர் பூஜையுடன் துவங்கியது. காலை 9.30 மணிக்கு கொடியேற்றி, கொடிமரத்திற்கு சிறப்பு அபிஷேகம் நடைபெற்றது. மே 27ம் தேதி இரவு அம்மன் தபக்சுகாட்சி, கதிர்குளித்தல் நிகழ்ச்சி, மே28ம் தேதி மாலை திருக்கல்யாணம், மே30ம் தேதி காலை பொய்பிள்ளை மெய்ப்பிள்ளை நிகழ்ச்சி, ஜூன் 1ம் தேதி தேரோட்டம், ஜூன் 2ம் தேதி தெப்பம், ஜூன் 3ம் தேதி கொடி இறக்குதலுடன் விழா நிறைவு பெறுகிறது.