ஆர்.எஸ்.மங்கலம்: ஆர்.எஸ்.மங்கலம் அருகே ஆப்பிராய், மருதாயி அம்மன் கோயில், கும்பாபிஷேக விழா நடைபெற்றது. விழாவை முன்னிட்டு முன்னதாக விநாயகர், விக்னேஸ்வரர் பூஜைகள் நடைபெற்றன. தொடர்ந்து முதல் மற்றும் இரண்டாம் கால யாகசாலை பூஜைகள் நடைபெற்றன. பின்பு யாகசாலையில் பூஜை செய்யப்பட்ட புனித நீர் கோயில் கோபுரத்திற்கு எடுத்துச் செல்லப்பட்டு, கும்பாபிஷேகம் நடைபெற்றது. பின்னர், மூலவர் அம்மனுக்கு புனித நீர் ஊற்றப்பட்டு, அபிஷேக ஆராதனைகள் செய்யப்பட்டன. தொடர்ந்து நடைபெற்ற, தீப ஆராதனையில், ஏராளமான பக்தர்கள் கலந்து கொண்டு தரிசனம் செய்தனர். விழாவை முன்னிட்டு, அன்னதானம் நடைபெற்றது.