முதுகுளத்தூர்: முதுகுளத்தூர் அருகே புளியங்குடி கிராமத்தில் ராமேஸ்வரம் ராமநாதசுவாமி கோயில் நிர்வாக கட்டுப்பாட்டின் கீழ் உள்ள முத்துராமலிங்க சுவாமி கோயில் கும்பாபிஷேக விழா நடந்தது.இதனை முன்னிட்டு கணபதி ஹோமம் தொடங்கி, லெட்சுமி ஹோமம், நவகிரக ஹோமம்,வாஸ்து சாந்தி, முதல் யாகசாலை பூஜை,தீபாரதனை நடந்தது. பின்பு இரண்டாம் கால பூஜை, விக்னேஸ்வர பூஜை, கோ பூஜை,துவார பூஜை, பூர்ணாகுதி நடத்தப்பட்டு கடம் புறப்பாட்டுக்கு பிறகு விமான கலசத்திற்கு கும்பநீர் ஊற்றப்பட்டது. முத்துராமலிங்க சுவாமிக்கு பால்,சந்தனம், மஞ்சள், திரவிய பொடி உட்பட 16 வகையான அபிஷேகங்கள், சிறப்பு பூஜைகள் நடந்தது. அன்னதானம் வழங்கப்பட்டது. விழாவில் எம்.பி.,தர்மர், ராமநாதசுவாமி திருக்கோயில் நிர்வாகிகள், புளியங்குடி கிராமமக்கள் பலரும் கலந்து கொண்டனர்.