ஆர்.எஸ்.மங்கலம்: ஆர்.எஸ்.மங்கலம் அருகே செங்கமடை கருப்பண சுவாமி கோயில் 45 ஆம் ஆண்டு உற்சவ விழாவை முன்னிட்டு, பூக்குழி விழா நடைபெற்றது. முன்னதாக விரதம் இருந்து பக்தர்கள் கோயில் முன்பு தீ மிதித்து நேர்த்திக்கடன் நிறைவேற்றினர். தொடர்ந்து மூலவர் கருப்பண சுவாமி மற்றும் முனீஸ்வரர், காளியம்மன் ஆகிய பரிவார தெய்வங்களுக்கு சிறப்பு அபிஷேகம் செய்யப்பட்டு தீப ஆராதனை காண்பிக்கப்பட்டன. நடைபெற்ற சிறப்பு பூஜையில் ஏராளமான பக்தர்கள் கலந்து கொண்டு தரிசனம் செய்தனர்.