ராமநாதபுரம் ; ஏர்வாடி தர்காவில் மத நல்லிணக்கத்தை வலியுறுத்தி நடந்த சந்தனகூடு  திருவிழா நடைபெற்றது. திருவிழாவில் ஏராளான மக்கள் குவிந்தனர்.

ராமநாதபுரம் மாவட்டம் ஏர்வாடியில் அல்குத்புல் சுல்தான் செய்யது இபுராகீம் பாதுஷா நாயகம் தர்காவில் சந்தனகூடு  திருவிழா நடைபெற்றது. விழாவை முன்னிட்டு மே 21 முதல் மவ்லீது (புகழ் மாலை) தொடர்ந்து ஓதப்படுகிறது. மே 31ல் கொடியேற்றம் நடந்தது. நேற்று (ஜூன் 12) சந்தனக்கூடு விழாவிற்கு மாலை 4:30 மணிக்கு யானை, குதிரைகளுடன் ஊர்வலமாக சென்று தர்காவில் போர்வைஎடுக்கும் விழா நடைபெற்றது. இன்று அதிகாலை 3:00 மணிக்கு ஏர்வாடி முஜிபிர் நல்ல இப்ராகீம் தர்காவில் இருந்து சந்தனக்குடம் எடுத்து, மின்னொளியால் செய்யப்பட்ட அலங்கார ரதத்துடன் சந்தனக்கூடு ஊர்வலம் புறப்பட்டது. அதிகாலை 5:30 மணிக்கு தர்கா வந்தடைந்தது. தர்காவை 3 முறை வலம்வந்த பின், சிறப்பு பிரார்த்தனையும், மக்பராவில் புனித சந்தனம் பூசும் நிகழ்ச்சியும் நடை பெற்றது. பல்வேறு மாநில, மாவட்டங்களில் இருந்தும் வரும் ஏராளமானோர் பங்கேற்றனர். விழா ஏற்பாடுகளை ஏர்வாடி ஹக்தார் நிர்வாக சபையினர், உறுப்பினர்கள் செய்துள்ளனர்.