திருக்கோவிலூர்; திருக்கோவிலூர், கீழையூர் அங்காளம்மனுக்கு பக்தர்கள் பால்குடம் எடுத்து நேர்த்திக்கடன் செலுத்தினார்கள். திருக்கோவிலூர், கீழையூர், அங்காளம்மன் கோவிலில் ஆடி அமாவாசையை முன்னிட்டு சிறப்பு வழிபாடு நடந்தது. காலை 10:30 மணிக்கு ஏரிக்கரை மூலையில் இருந்து வேண்டுதல் உள்ள பக்தர்கள் ஏராளமானோர் பால்குடம் எடுத்து மேல, தாளம் முழங்க ஊர்வலமாக முக்கிய வீதிகள் வழியாக சென்றனர். மதியம் 12:00 மணிக்கு அம்மனுக்கு பால் அபிஷேகம், அலங்காரம், மகா தீபாராதனை நடந்தது. மாலை 6:00 மணிக்கு அம்மன் சிறப்பு அலங்காரத்தில் எழுந்தருளி பக்தர்களுக்கு அருள் பாலித்தார். இதில் ஏராளமான பக்தர்கள் கலந்து கொண்டனர். விழாவிற்கான ஏற்பாடுகளை கோவில் நிர்வாகத்தினர் மற்றும் பக்தர்கள் செய்திருந்தனர்.