ஆர்.எஸ்.மங்கலம்: ஆர்.எஸ்.மங்கலம் அருகே வாணியக்குடியில் முத்துமாரியம்மன் கோயில் விழாவை முன்னிட்டு, முளைப்பாரி ஊர்வலம் நடைபெற்றது. முன்னதாக கோயிலில் இருந்து முளைப்பாரிகளை பெண்கள் ஊர்வலமாக எடுத்துச் சென்று, குளக்கரையில் கரைத்து நேர்த்திக்கடன் நிறைவேற்றினர். முன்னதாக, மூலவர் அம்மனுக்கு 18 வகையான அபிஷேக ஆராதனைகள் செய்யப்பட்டு தீபாரதனை காண்பிக்கப்பட்டன. தொடர்ந்து இளைஞர்களின் ஒயிலாட்டமும், பெண்களின் கும்மியாட்டமும் நடைபெற்றது. விழா ஏற்பாடுகளை வாணியக்குடி கிராமத்தினர் செய்திருந்தனர்.