திருப்புத்தூர்: திருப்புத்தூர் பூமாயிஅம்மன் கோயிலில் ஆடிவெள்ளியை முன்னிட்டு சப்தமாதாக்களுக்கும் மஞ்சள் பூசும் விழா நடந்தது. இக்கோயிலில் சப்தமாதாக்களில் நடுநாயகமாக பூமாயி அம்மன் நகரின் தென் எல்லை தெய்வமாக அருள்பாலிக்கிறார். நேற்று ஆடி 3வது வெள்ளியை முன்னி்டு அம்மனுக்கு மஞ்ள் பூசும் விழா நடந்தது. அம்மனைக் குளிர்விக்க நடக்கும் இந்த விழாவில் நூற்றுக்கணக்கான பெண்கள் பங்கேற்று பச்சை மஞ்சளை அம்மியில் வைத்த அரைத்தனர். மஞ்சள் அரைக்கும் நேர்த்திக்கடனில் பெண்கள் காத்திருந்த வரிசையில் நின்று அரைத்தனர். தொடர்ந்து மூலவர் அம்மனுக்கு அபிஷேக, ஆராதனைகள் நடந்தது. பின்பு பக்தர்கள்அரைத்த மஞ்சளால் அம்மன் உள்ளிட்ட சப்தமாதாக்களுக்கும் மஞ்சள் பூசப்பட்டது. பின்னர் அம்மனுக்கு சார்த்தப்பட்ட மஞ்சள் பக்தர்களுக்கு பிரசாதமாக வழங்கப்பட்டது. ஏற்பாட்டினை வசந்தப் பெருவிழாக்குழுவினர் செய்தனர்.