அவிநாசி: அவிநாசி அடுத்த நாதம்பாளையம் என்கிற சுதந்திர நல்லூரில் ஸ்ரீ அத்தனூர் அம்மன் பொங்கல் சாட்டு விழா வெகு விமர்சையாக நடைபெற்றது.

அவிநாசி அடுத்த நாதம்பாளையம் என்கிற சுதந்திர நல்லூரில் எழுந்தருளியுள்ள ஸ்ரீ அத்தனூர் அம்மன் கோவிலில், பொங்கல் சாட்டு விழா கடந்த ஐந்தாம் தேதி பூச்சாட்டுதலுடன் தொடங்கியது. அதன் பிறகு நேற்று இளநீர் காவடி, தீபாராதனை ஆகியவை நடைபெற்றது. அதனைத் தொடர்ந்து, முக்கிய நிகழ்ச்சியான பொங்கல் விழாவில் இன்று நூற்றுக்கும் மேற்பட்ட பெண்கள் கலந்து கொண்டு கோவில் வளாகத்தில் பொங்கல் வைத்தனர். பின்னர் அம்மனுக்கு சிறப்பு அபிஷேகம், அலங்காரம் மற்றும் தீபாராதனை நடந்தது. கோவில் விழாக்குழுவினர் சார்பில் பக்தர்களுக்கு அன்னதானம் வழங்கப்பட்டது.