மத்திய பிரதேசம் சாகர் மாவட்டத்தில் உள்ள சந்த் சிரோமணி குருதேவ் ஸ்ரீ ரவிதாஸ் நினைவு ஸ்தலத்தில் பிரதமர் நரேந்திர மோடி பூமி பூஜை செய்தார்.

பிரதமர் நரேந்திர மோடி இன்று 12ம் தேதி மத்தியப் பிரதேசத்திற்கு வருகை தந்தார். மதியம் 2:15 மணியளவில் சாகர் மாவட்டம் வந்த அவர், அங்கு சந்த் சிரோமணி குருதேவ் ஸ்ரீ ரவிதாஸ் நினைவு ஸ்தலத்தில் பூமி பூஜை செய்தார். தொடர்ந்து பிற்பகல் 3:15 மணியளவில், தானாவில் நடைபெற்ற பொது நிகழ்ச்சியில் பங்கேற்ற பிரதமர், அங்கு சந்த் சிரோமணி குருதேவ் ஸ்ரீ ரவிதாஸ் நினைவகத்திற்கு அடிக்கல் நாட்டினார். சந்த் சிரோமணி குருதேவ் ஸ்ரீ ரவிதாஸ் நினைவிடம் 11.25 ஏக்கருக்கும் அதிகமான நிலப்பரப்பில் கட்டப்படுகிறது. இங்கு ரவிதாஸ் வாழ்க்கை, தத்துவம் மற்றும் போதனைகளை விளக்கும் கலை அருங்காட்சியகம் மற்றும் கேலரி அமைக்கப்படுகிறது. மேலும் பக்தர்களுக்கான சிறப்பு வசதிகளும் இதில் இருக்கும்.