வடமதுரை: பி.கம்பிளியம்பட்டியின் கிழக்கு பகுதியில் இருக்கும் சிறிய மலைக்கரட்டில் தென் அண்ணாமலையார் கோயில் அமைக்கப்படுகிறது. இக்கோயில் திருப்பணியில் இன்று லிங்க பிரதிஷ்டை விழா நடந்தது. விழா ஒருங்கிணைப்பாளர் அங்கமுத்து முன்னிலை வகித்தார். யாக சாலை பூஜைகளை சிதம்பரம் தீக்சிதர் தலைமையிலான குழுவினர் நடத்தி, லிங்கத்தில் புனித நீருற்றி சிறப்பு அபிஷேகங்கள் செய்தனர். வேடசந்துார் முன்னாள் எம்.எல்.ஏ.,க்கள் பரமசிவம், பழனிச்சாமி, ஒன்றிய தலைவர் தனலட்சுமி, ஊராட்சி தலைவர் பத்மா, தி.மு.க., ஒன்றிய பொருளாளர் செந்தில்முருகன், முன்னாள் ஒன்றிய கவுன்சிலர் திருமலைச்சாமி மற்றும் ஏராளமான பக்தர்கள் பங்கேற்றனர்.