அவிநாசி: அவிநாசி ஸ்ரீ வீர ஆஞ்சநேயர் கோவிலில் ஸ்ரீ வியாசராஜர் பஜனை மடத்தில், அனுப்பர்பாளையம் ஏ.என்.ராஜா அன் சன்ஸ் குழுவினரின் பக்தி பாடல்கள் பாடும் பஜனை நடைபெற்றது.

அவிநாசி ஸ்ரீ வீர ஆஞ்சநேயர் கோவிலில் உள்ள ஸ்ரீ வியாசராஜர் பஜனை மடத்தில்,பஜனை பிரியரான ஹனுமானுக்கு வருடம் முழுவதும் பக்தி பாடல்கள், இன்னிசை, ஆராதனைகள் என நடைபெற்று வருகிறது. இதில், அனுப்பர்பாளையம் ஏ.என்.ராஜா அன் சன்ஸ் பஜனை குழுவினரின் பக்தி பாடல்கள் பஜனை நிகழ்ச்சி நடைபெற்றது. முன்னதாக, புரட்டாசி மாத முதல் சனிக்கிழமையில் வரும் மூல நட்சத்திர நாளான நேற்று , அதிகாலை முதல் ஸ்ரீ வீர ஆஞ்சநேயருக்கு சிறப்பு அபிஷேகமும், அலங்கார பூஜையும் நடைபெற்று பக்தர்களுக்கு பிரசாதம் வழங்கப்பட்டது. இதில் ஏராளமான பக்தர்கள் கலந்து கொண்டனர். இந்நிகழ்ச்சியை ஸ்ரீ வீர ஆஞ்சநேயர் பக்தி பேரவையினர் ஏற்பாடு செய்திருந்தனர்.