ராமேஸ்வரம்: ராமேஸ்வரம் ராமநாதசுவாமி கோயிலில் உண்டியல் காணிக்கை ரூ.1.39 கோடி வருவாயாக கிடைத்தது.

ராமேஸ்வரம் திருக்கோயிலில் 30 நாள்களுக்கு பின் நேற்று சுவாமி, அம்மன் சன்னதி மற்றும் பஞ்சமூர்த்திகள் சன்னதி முன்புள்ள உண்டியல்கள் திறக்கப்பட்டு இணை ஆணையர் சிவராம்குமார் முன்னிலையில் காணிக்கைகளை கோயில் ஊழியர்கள் சேகரித்தனர். இதனை கோயில் கல்யாண மண்டபத்தில் எண்ணினார்கள். இதில் ரொக்க பணம் ரூ. 1 கோடியே 39 லட்சத்து 22 ஆயிரத்தி 935 ரூபாயும், தங்கம் 216 கிராம், வெள்ளி 9 கிலோ 515 கிராம் காணிக்கையாக கிடைத்தது. காணிக்கை எண்ணும் பணியில் கோயில் உதவி ஆணையர் பாஸ்கரன், கண்காணிப்பாளர் பாலசுப்பிரமணியன், பேஸ்கார்கள் கமலநாதன், பஞ்சமூர்த்தி உள்ளிட்ட பலர் பங்கேற்றனர்.