சாணார்பட்டி: சாணார்பட்டி அருகே வி.மேட்டுப்பட்டி கதிர் நரசிங்க பெருமாள் கோயிலில் புரட்டாசி 3வது சனிக்கிழமை ஒட்டி கதிர் நரசிங்க பெருமாள், ஸ்ரீதேவி, பூதேவி அம்மன், மூலவர் ராமானுஜர் சுவாமிக்கு சிறப்பு அபிஷேகங்கள் நடந்தது.

தொடர்ந்து திருமஞ்சனம், விஸ்வரூப பூஜைகள் செய்யப்பட்டு சுவாமிக்கு தங்க கவசம் அணிவித்து, பல வண்ண மலர்களால் அலங்கரிக்க அபிஷேகம், தீபாராதனை நடந்தது. ஆஞ்சநேயருக்கு தங்க கவசம் அணிவிக்கப்பட்டு சிறப்பு பூஜைகள் செய்யப்பட்டது. காலை 9:00 மணி முதல் மாலை 5:00 மணி வரை அன்னதானம் நடந்தது. திரளான பக்தர்கள் தரிசனம் செய்தனர். ஆவிளிப்பட்டி ஆதி சுயம்பு ஈஸ்வரர் அபிராமி ஆலயத்தில் உள்ள கம்பத்து பெருமாளுக்கு சிறப்பு பூஜை, துளசி அர்ச்சனை, உலக நன்மை வேண்டி பாராயணம் செய்து பூஜைகள் நடந்தது. பூஜைகளை அறக்கட்டளை நிறுவனர் உதயகுமார் செய்து வைத்தார். இதைப் போலவே வேம்பார்பட்டி வேங்கடேச பெருமாள் கோவில், பெருமாள்கோவில்பட்டி தொழுவடி பெருமாள் கோயிலில் சிறப்பு பூஜைகளும், கிராம மக்கள் பொங்கல் வைத்து வழிபாடு நடந்தது . சாணார்பட்டி வி.டி.பட்டி பெட்டி பெருமாள் கோயிலில் சுவாமிக்கு சிறப்பு அபிஷேகம், அலங்காரம் மற்றும் தீபாராதனை பூஜைகள் நடந்தது. நத்தம் மதுக்காரம்பட்டி கோகுல கிருஷ்ணன் கோயில், நத்தம் கோவில்பட்டி சத்தியபாமா சமேத ராஜ வேணுகோபால சுவாமி கோயிலிலும் சிறப்பு பூஜைகள், செந்துறை அருகே ரெங்கையன் சேர்வைக்காரன்பட்டி மேலப்பெருமாள் கோவிலிலும் புரட்டாசி சனிக்கிழமை பூஜை நடந்தது.