விஷசஸ்திரஹத பிதுர் மகாளயம் என்பது துர்மரணம் அடைந்தவருக்கு தர்ப்பணம் செய்ய சிறந்த நாளாகும். இயற்கை மரணம் அடையாமல் விபத்துக்கள் போன்ற துர்மரணங்களால் உயிரிழந்த முன்னோர்களுக்காக மஹாளய பட்ச காலத்தில் செய்யப்படும் ஒரு பிரத்யேக தில தர்ப்பமாகும். இன்று தர்ப்பணம் செய்ய துர்மரணமடைந்த ஆன்மாக்கள் பசி, தாகம் நீங்கி நற்கதி அடைவர் என்பது நம்பிக்கை. இந்த நாளில் முன்னோர்களை நினைத்து எள்ளும் தண்ணீரும் இறைத்து தர்ப்பணம் கொடுப்பதுடன், ஸ்ரீருத்ரம் ஜபித்து சிவபெருமானை வழிபட வேண்டும்.

மாதம்தோறும் சதுர்த்தசியில் சிவராத்திரி கொண்டாடப்படுகிறது. சிவராத்திரி விரதம் இருந்தால் குடும்பத்தில் நன்மை பெருகும். கோயில் செல்ல முடியாதவர்கள் வீட்டிலேயே பூஜை செய்யலாம். ஒருவர் தொடர்ந்து 24 வருடங்கள் சிவராத்திரி விரதம் இருந்துவந்தால் அவர் சிவகதியை அடைவதுடன், அவரது 21 தலைமுறைகளும் நற்கதி அடைந்து முக்தியை அடைவார்கள் என்பது ஐதீகம். அசுவமேத யாகம் செய்த பலனும் கிடைக்கும். புரட்டாசி சிவராத்திரியில் தான் ஆதிசேஷன் சிவபெருமானை பூஜித்து பேறு பெற்றார் வீட்டிலேயே சிவபெருமானுக்கு வில்வ இலைகளால் அர்ச்சனை செய்து வழிபடுவது அளப்பரிய புண்ணியத்தை தரும்.