புதுச்சேரி: மொரட்டாண்டி சனீஸ்வரர் பகவான் கோவிலில் ராகு கேது பெயர்ச்சி விழா நேற்று நடந்தது. நேற்று மதியம் 3:40 மணிக்கு ராகு பகவான் மேஷம் ராசியில் இருந்து மீனம் ராசிக்கும், கேது பகவான் துலாம் ராசியில் இருந்து கன்னி ராசிக்கு பிரவேசித்தனர்.

ராகு கேது பெயர்ச்சியொட்டி, புதுச்சேரி அடுத்துள்ள மொரட்டாண்டி விஸ்வரூப மகா சனீஸ்வர பகவான் கோவிலில் காலை 7:00 மணிக்கு நட்சத்திர பரிகார ஹோமம், பகல் 12:00 மணிக்கு மகா பூர்ணாஹூதி நடந்தது.மதியம் 1:00 மணிக்கு 12 அடி உயர ராகு மற்றும் கேது பகவானுக்கு 208 லிட்டர் பால் அபிஷேகம் நடந்தது. ராகு பகவானுக்கு 4,000 வடமாலை அணிவிக்கப்பட்டது. பிற்பகல் 3:13 மணிக்கு ராகு மற்றும் கேது பகவானுக்கு பஞ்சலோக ஆபரண கவசம் அணிவித்து மகா தீபாராதனை நடத்தப்பட்டது. விழாவில் ஏராளமான பக்தர்கள் சுவாமி சாமி தரிசனம் செய்தனர். பக்தர்களுக்கு அன்னதானம் வழங்கப்பட்டது. விழா ஏற்பாடுகளை சிதம்பர கீதாராம் குருக்கள், கீதாசங்கர குருக்கள் செய்திருந்தனர்.