சென்னை: சென்னையில் திருமுறை திருவிழா 108 ஓதுவாமூர்த்திகள் திருமந்திரம் முழங்க, நடராஜர் திருச்சபையில் மதுரை மீனாட்சி திருக்கல்யாணம் வெகுவிமரிசையாக நடைபெற இருக்கிறது.

இது குறித்து இம்பா சமூக அமைப்பின் சார்பில் செய்தியாளர்களிடம் அவர்கள் கூறியதாவது; 12 திருமுறைகளை போற்றிடும் வகையில் ‘திருமுறை திருவிழா’ வரும் டிச.16ம்தேதி சென்னை நீலாங்கரை, கிழக்கு கடற்கரை சாலையில் உள்ள ஆர்.கே.கன்வென்ஷன் சென்டரில் நடைபெறவுள்ளது. முதல்முறையாக மதுரைக்கு வெளியே சென்னையில் மிக பிரம்மாண்டமாக திருக்கல்யாண உற்சவம் நடைபெறுகிறது. இதில் திருவாடுதுறை, தருமபுரம், மதுரை மற்றும் 10 சைவஆதீனங்கள் ஆசிவழங்கவுள்ளனர். சிறப்பு விருந்தினராக மத்திய பாதுகாப்புத்துறை அமைச்சர் ராஜ்நாத் சிங் கலந்துகொள்கிறார் என்றனர். அனைவருக்கும் அனுமதி இலவசம்.