அவிநாசி; அவிநாசி மடத்துப்பாளையம் மாகாளியம்மன் கோவிலில் பொங்கல் விழா நடைபெற்றது.

அவிநாசி மடத்துப்பாளையம் பகுதியில் எழுந்தருளியுள்ள மாகாளியம்மன் கோவிலில் கடந்த 20ம் தேதி காப்புக்கட்டுதலுடன் பொங்கல் விழா தொடங்கியது. அதனைத் தொடர்ந்து நாள் தோறும் அபிஷேக தீபாராதனை நிகழ்ச்சிகள், அம்மன் அழைத்தல் நிகழ்ச்சிகளும் நடைப்பெற்றது. இன்று நூற்றுக்கும் மேற்பட்ட பெண்கள் மாவிளக்கு எடுத்து ஊர்வலமாக கோவிலுக்கு சென்று பொங்கல் வைத்து வழிபட்டனர். நாளை மஞ்சள் நீராட்டுடன் விழா நிறைவு பெறுகிறது. பொங்கல் விழாவை முன்னிட்டு விழா குழுவினர் மற்றும் ஊர் பொதுமக்கள் சார்பில் அன்னதானம் வழங்கப்பட்டது.