பழநி; பழநி முருகன் கோயிலில் பொங்கல் விடுமுறை முன்னிட்டு ஏராளமான பக்தர்கள் வருகை புரிந்தனர்.

பழநி முருகன் கோயிலில் பக்தர்கள் வருகை அதிக அளவில் இருந்தது. பொங்கல்விழா தொடர் விடுமுறை காரணமாக பாதயாத்திரை பக்தர்களின் எண்ணிக்கையும் அதிகரித்து உள்ளது. பக்தர்கள் அலகு குத்தி, கிரிவலம் வந்து சுவாமி தரிசனம் செய்கின்றனர். ஐயப்ப பக்தர்களின் வருகையும் அதிகரித்துள்ளது.

வெளிமாநில வியாபாரிகள் சிலர் பக்தர்களிடம் வலுக்கட்டாயமாக பொருட்களை வாங்க வற்புறுத்துகின்றனர். மேலும் அடிவாரம் கிரிவீதி, அய்யம்புள்ளி ரோடு, பூங்கா ரோடு பகுதிகளில் வாகனங்கள் நிறுத்தப்படுவதால் போக்குவரத்து இடையூறு ஏற்படுகிறது. பக்தர்கள் காத்திருந்து ரோப்கார், வின்ச்ல் செல்ல டிக்கெட் பெறுகின்றனர். மேலும் மலைக் கோயிலில் பொது தரிசன வழி மற்றும் கட்டண தரிசன வழிகளில் 4 மணி நேரத்திற்கு மேல் காத்திருந்து தரிசனம் செய்தனர். மலைக்கோயிலில் செல்போன் அலைபேசி கொண்டு செல்ல அனுமதி இல்லாத போதும் சில பக்தர்கள் அலைபேசிகளை எடுத்துச் செல்கின்றனர். பொது அறிவிப்பு மையங்களை அதிகரித்து கோயில் நிர்வாகம் நடவடிக்கை எடுக்க வேண்டும். பக்தர்கள் சொந்த ஊருக்கு செல்ல போதுமான பஸ் வசதி இல்லாததால் பக்தர்கள் சிரமம் அடைந்தனர். பாதயாத்திரை பக்தர்கள் வரும் வழியில் ஆக்கிரமிப்புகள் இருந்ததால் சாலையில் நடந்து வரும் நிலை ஏற்பட்டது எதனால் விபத்து அபாயம் ஏற்படுகிறது.