திருப்புல்லாணி; திருப்புல்லாணி சாலை தெருவில் உள்ள புல்லாணி மாரியம்மன் கோயிலில் கடந்த ஆண்டு திருப்பணிகள் செய்யப்பட்டு கும்பாபிஷேகம் நடந்தது. முதலாம் ஆண்டு பூர்த்தியானதை முன்னிட்டு வருஷாபிஷேக விழா நடந்தது. கோயில் வளாகத்தில் யாக வேள்வி வளர்க்கப்பட்டு மூலவர் புல்லாணி மாரியம்மனுக்கு 16 வகையான அபிஷேக ஆராதனைகள், பஞ்சமுக தீபாராதனைகள் நிறைவேற்றப்பட்டது. பூஜைகளை பாபு சாஸ்திரிகள் தலைமையிலான வேத விற்பனர்கள் செய்தனர். பக்தர்களுக்கு அன்னதானம் வழங்கப்பட்டது. ஏற்பாடுகளை திருப்புல்லாணி சாலைத் தெரு பொதுமக்கள் செய்திருந்தனர்.