திருநெல்வேலி: ஸ்ரீ ராமகிருஷ்ணர், ஸ்ரீசாரதா தேவியார், சுவாமி விவேகானந்தர் பக்தர்களின் 20 வது மாநில மாநாடு, டிச., 28,29,30 ல் நெல்லையில் நடக்கிறது . இம்மாநாட்டு குழு தலைவர் கமலாத்மா நந்தா, ராமகிருஷ்ண தபோவனம் துணை தலைவர் சுவாமி சங்கரானந்தா ஆகியோர் கூறியதாவது: நெல்லை, அரியகுளம் சாரதா பெண்கள் கல்லூரி வளாகத்தில், டிச., 28, 29, 30 ல்நடக்கும், 20 வது மாநில மாநாட்டில், சன்னியாசிகள், ஆன்மிக ஆர்வலர்கள் என, 6 ஆயிரம் பேர் பங்கேற்கின்றனர். சுகிசிவம், சாலமன் பாப்பையா, இளம்பிறை மணிமாறன் ஆகியோரது பட்டிமன்றமும், கருத்தரங்கமும் நடக்கிறது. சிறப்பு விருந்தினர்களாக, நீதியரசர் ராமசுப்பிரமணியன் , ராஜபாளையம் ராம்கோ குரூப் சேர்மன் ராமசுப்பிரமணிய ராஜா , ராமலிங்கா மில்ஸ் சேர்மன் தினகரன், கோவை பண்ணாரி அம்மன் குரூப்ஸ் எஸ்.வி.பாலசுப்பிரமணியன் உள்ளிட்டோர் பங்கேற்கின்றனர்.